Amedspor bû gol û bariya: 14-0

RÛDAW

Hewlêr (Rûdaw) - Tîma Futbolê ya Jinan a Amedsporê ku di Lîga Super a Futbolê ya Jinan a Turkcellê de dilîze li mala xwe mazûvaniya ALG Spora bajarê Dîlokê kir û 14 gol avêtin.

Tîma kesk û sor nîva yekem a maçê 10-0 li pêş qedand û di nîva duyem de jî ferq zêde kir û bi encama 14-0 bi ser ket.

Bi vê encamê re, Tîma Jinan a Amedsporê serkeftina xwe ya herî mezin a sezonê tomar kir û bi hêza xwe ya êrişê bal kişand.

Li aliyê din, tîma mêvan ALG Sporê bi vê têkçûna giran rewşa xwe ya xirab a di lîgê de domand.

Nûnera Dîlokê di 5 maçan de bi giştî 66 gol xwarin.