Hewlêr (Rûdaw) - Tîma futbolê ya Dihokê li hemberî tîma futbolê ya Qadisiyeyê ya Kuweytê 2-1 bi ser ket û bû Şampiyonê Kluban a Kendavê.
Hefteya borî Dihokê û Qadisiye di gava yekem fînalê ya Şampiyonê Kluban a Kendavê de li Kuweytê hatibûn hemberî hev û maç 0-0 bi dawî bûbû.
Dihok û Qadisiye îro di gava duyem a fînalê de li stadyuma Dihokê hatin pêşberî hev.
Dihok her çiqasî di nîveka yekem de ji Qadisiyeyê bi bandortir bû jî ji gelek pozîsyonan sûd wernegirt.
Nîveka yekem bê gol bi dawî bû.
Dihoka ku bêhtir kotrola lîstikê di destê wê de bû, xuleka 66an bi gola Siyabend Egîd 1-0 ket pêş.
#VÎDEO - Nîva duyem a maça şampiyoniyê ya Dihok û Qadisiyeyê
— RudawKurdi (@RudawKurdi) April 15, 2025
Siyabend Egîd gola yekem a tîma Dihokê avêt lê piştî çend xulekan Qadisiyeyê jî golek avêt pic.twitter.com/qe0h6XZfwG
Di xuleka 69an de lîstikvanê Qadisiyeyê Mihemed Sole bersiv da Dihokê û skor bû 1-1.
Piştî vê golê, Dihokê bandora xwe hîn zêdetir kir û jê encam jî wergirt.
Lîstikvanê Brazîlî yê Dihokê Marlon Santos di xuleka 90+2yan de gola duyem a Dihokê avêt û skor bû 2-1.
#ZINDÎ - Nîva duyem a maça şampiyoniyê ya Dihok û Qadisiyeyê
— RudawKurdi (@RudawKurdi) April 15, 2025
Marlon Santos di xuleka 92yan de gola duyem a tîma futbolê ya Dihokê avêt pic.twitter.com/MtCa6yJOzf
Di xulekên mayî de gol nehatin avêtin û maç 2-1 bi serkeftina Dihokê bi dawî bû û Dihok bû şampiyon.
Cara yekem e ku tîmeke Îraq û Herêma Kurdistanê vê kupayê distîne.
🏆 Lîstikvanên tîma Dihokê Kupaya Şampiyoniya Kluban a Kendavê bilind kir
— RudawKurdi (@RudawKurdi) April 15, 2025
Tîma futbolê ya Dihokê kupa ji destê Mesrûr Barzanî wergirt pic.twitter.com/s2NSrjwkwL
