Hewlêr (Rûdaw) - Barcelonayê di maça rovanşê ya qonaxa 16 tîmên dawî ya Lîga Şampiyonan de, li mala xwe Newcastle United 7-2 têk bir.
Tîma Katalanan bi vê encama dîrokî derbasî çaryeka fînalê bû.
Barcelonayê di rovanşa maça ku 1-1 qediyabû de lehî û tofan li serê nûnera Îngilistanê rakir.
Stêrka Brezîlyayî Raphinha bi 2 gol û 2 asîstan mohra xwe li maçê da.
Lewandowski jî di 5 xulekan de 2 gol kirin.
Barcelona û Newcastle şeva borî di maça rovanşê ya qonaxa 16an a Lîga Şampiyonan a UEFAyê de li Camp Nouyê hatin pêşberî hev.
Maça ewil a li St. James Parkê bi wekheviya 1-1 bi dawî bûbû.
Di maça rovanşê de jî nîvê yekem bû sehneya dueloya golan û 3-2 bi serkeftina Barcelonayê xelas bû.
Serkeftina dîrokî ya Barcelonayê
Barçaya ku bi gola penaltiyê ya Yamal bi encama 3-2 çûbû jûra cilguherînê, 7-2 bi ser ket û navê xwe li çaryeka fînalê nivîsand.
Golên ku serkeftin ji bo Barcelonayê anîn, xulekên 6 û 72yan ji aliyê Raphinha, xuleka 18an ji aliyê Marc Bernal Casas, xuleka 45an bi penaltiyê ji aliyê Lamine Yamal, xuleka 51ê ji aliyê Fermîn Lopez û xulekên 56 û 61ê jî ji aliyê Robert Lewandowski ve hatin avêtin.
Barcelona dê di nîvfînala Lîga Şampiyonan de bi Atletico Madridê re bilîze.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse