Liverpoolê bêhna Galatasarayê çikand: 4-0

Hewlêr (Rûdaw) - Liverpoolê di qonaxa 16 tîmên dawî ya Lîga Şampiyonan a UEFAyê 4-0 zora Galatasarayê bir.

Galatasaray di maça yekem de 1-0 bi ser ketibû lê Liverpool li Anfieldê 4-0 bi ser ket û Galatasaray destevala şand Stenbolê.

Liverpoolê gol barandin

Liverpool bi gola Szoboszlai ket pêş, Ekitike gola duyem avêt û Gravenberch ferq kir sisê.

Salah jî bi gola çarem encama maçê diyar kir: 4-0.

Bi vê encamê re nûnera Îngilistanê bi encama giştî ya 4-1 navê xwe li çaryeka fînalê nivîsand.

Galatasarayê jî xatir ji Lîga Şampiyonan xwest û vegeriya mala xwe.

Liverpool dê di nîvfînala Lîga Şampiyonan de bi Paris Saint-Germainê (PSG) re bilîze.