Hewlêr (Rûdaw) - Piştî lîstika tîmên HES Îlaç Afyonspor û Diyarbekirsporê êrişî lîstikvanên Diyarbekirsporê hat kirin û lîstikvanek birîndar bû.
Di Lîga Duyem a Grupa Spî de HES Îlaç Afyonspor û Diyarbekirspor doh li Stadyuma Zaferê hatin hemberî hev û lîstik 0-0 bi dawî bû.
"Em şermezar dikin"
Serokê Diyarbekirsporê Serkan Genç derbarê bûyerê de nerazîbûn nîşan da û got:
“Wekî her tîmên din, me li Diyarbekirê bi awayekî baş mazûvaniya Afyonsporê jî kiribû.
Divê li hemberî vê yekê, ev êriş nebûya. Em şermezar dikin.”
Berî û piştî lîstikê nûner û lîstikvanên Diyarbekirsporê rûbirûyî êrişên devkî û fizîkî bûn û lîstikvanê Diyarbekirsporê Yasin Dulger birîndar bû.
Herwiha di nav wan kesên ku êriş kir de berpirsê ewlehiyê yê taybet ê stadyumê jî hebû.
Serokê Tîma Diyarbekirsporê ragihand ku wan derbarê kesên êrişkar de gilî tomar kiriye û daxwaza wan ew e ku dawî li bûyerên bi vî rengî bê anîn.
Li Afyonê piştî maçê alîgirên Afyonsporê êrişî lîstîkvanên Diyarbekirsporê kir pic.twitter.com/hHpHfnDmrg
— RudawKurdi (@RudawKurdi) February 25, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse