Di Lîga Ewropayê de 16 tîmên dawî diyar bûn

Hewlêr (Rûdaw) - Di Lîga Ewropayê ya UEFAyê de tîmên ku dê di qonaxa 16an de bilîzin diyar bûn.

Qonaxa play-offê ya rêxistina duyemîn a herî mezin a futbola Ewropayê bi 8 maçên rovanşê bi dawî bû.

Kîjan tîm derbas bûn?

Piştî maçên rovanşê yên qonaxa play-offê; Ferencvaros, Stuttgart, Panathinaikos, Lille, Nottingham Forest, Bologna, Celta Vigo û Genk derbasî qonaxa 16an bûn.

Her wiha tîmên Olimpik Lyon, Aston Villa, Midtjylland, Real Betis, Porto, Braga, Freiburg û Romayê qonaxa lîgê di nav 8 tîmên ewil de qedandibû û rasterast derbasî qonaxa 16an bûbûn.

Pişkkişandina qonaxa 16an dê îro saet 15:00an (bi dema Kurdistanê) bê kirin.

Maçên vê qonaxê dê 12 û 19ê Adarê bên lîstin.

Encamên maçan

Encamên du maçên lîstikên Lîga Ewropayê wiha ne:

Ferencvaros (Macaristan)-Ludogorets (Bulgaristan): 1-2, 2-0

Stuttgart (Almanya)-Celtic (Skoçya): 4-1, 0-1

Viktoria Plzen (Çekya)-Panathinaikos (Yunanistan): 2-2, 1-1 (Bi penaltiyan 3-4)

Qizilyildiz (Sirbistan)-Lille (Fransa): 1-0, 0-2

Nottingham Forest (Îngilistan) – Fenerbahçe (Tirkiye): 3-0, 1-2

Bologna (Îtalya)-Brann (Norwêc): 1-0, 1-0

Genk (Belçîka)-Dinamo Zagreb (Xirwatistan): 3-1, 3-3

Celta Vigo (Spanya)-PAOK (Yunanistan): 2-1, 1-0