Atletico Madrid û Arsenalê pişta hev neanî xwarê

Hewlêr (Rûdaw) - Atletico Madrid û Arsenal di maça yekem a nîvfînalê ya Lîga Şampiyonan a UEFAyê de 1-1 wekî hev man.

Atletico Madridê li Stadyuma Metropolitanoyê di pêşbirka herî girîng a Ewropayê ya di asta kuluban de Arsenal kir mêhvan.

Her du gol jî bi penaltiyan hatin

Arsenalê xuleka 44an bi gola Viktor Gyökeres a ji penaltiyê nîvê yekem 1-0 li pêş xelas kir.

Tîma mazûvan xuleka 56an bi penaltiya Julian Alvarez bersiv da Arsenalê û maç bi encama 1-1 bi dawî bû.

Alvarez rekora Messi şikand

Julian Alvarez bû lîstikvanê Arjantînî yê ku di Lîga Şampiyonan de herî zû gihişt 25 golan.

Alvarez di 41 maçan de gihişt vê hejmarê û rekora Lionel Messi ya 42 maçan li pey xwe hişt.

Maça rovanşê dê 5ê Gulanê (sêşem) li Londonê bê lîstin û dê tîmek ji wan derkeve fînalê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger