DAIŞê gef li Hemasê jî xwar

Hewlêr (Rûdaw) – Rêxistina DAIŞê gefa “tinekirinê” li Îsraîl û rêxistinên filistînî yên Hemas û Fethê dixwe.

Rêxistina DAIŞê duh vîdyoyek belav kir. Di wê vîdyoyê de çekdarekî DAIŞê ku rûyê xwe pêçaye, bi tundî gefan li Îsraîl û Hemasê dixwe.

Ew çekdarê DAIŞê dibêje, divê dewleta cihûyan (Îsraîl) û Hemas û Feth bizanin ku emê koka wan biqelînin û wan tine bikin.

Sebeba wê yekê ku DAIŞ gefê li Hemasê dixwe, ew e ku qaşo Hemas nikare li Filistînê bi taybet li Xeze û kampa Yermûkê (kampa penaberên filistînî li Sûriyê) pîvanên îslamê bicîh bîne.

Ev cara yekemîn e ku DAIŞê wiha Hemasê tehdîd dike. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger