Trump li ser dan û standinên bi Îranê re: Êdî pir dereng e

RÛDAW

Hewlêr (Rûdaw) - Serokê Amerîkayê Donald Trump ragihand ku Îranê daxwaza gotûbêjan kiriye lê daxwaza wê hatiye redkirin û wî ji wan re gotiye, "Dem dereng e."

Donald Trump roja li ser hesabê xwe yê tora civakî Truth Socialê, di bersiva welatiyekî de li ser rewşa Îranê nivîsî:

"Parastina asmanî, hêza asmanî, hêza deryayî û serkirdayetiya wan (Îranê) nemane."

"Min got: Êdî pir dereng e"

Trump amaje bi wê yekê jî kir ku Tehran dixwaze serî li dîplomasiyê bide û got:

"Ew dixwazin dan û standinan bikin lê min jî got: Êdî pir dereng e."

Ev daxuyaniyên Trump di demekê de ne ku aloziyên di navbera Washington û Tehranê de gihiştine asteke nû.

Li gorî Serokê Amerîkayê, êrişan zerereke mezin gihandiye binesaziya leşkerî û serkirdayetiya wî welatî.