Rûsya: Me li Ukraynayê êrişî tesîsên leşkerî kir
Hewlêr (Rûdaw) - Wezareta Parastinê ya Rûsyayê ragihand ku wan bi şev li Ukraynayê
Wezareta Parastinê ya Rûsyayê bi daxuyaniyekê derbarê kiryarên artêşa Rûsyayê yên li Ukraynayê agahî da.
Di daxuyaniyê de hat destnîşankirin ku êrişên li dijî tesîsên leşkerî yên Ukraynayê berdewam dikin.
Wezareta Parastinê ya Rûsyayê di daxuyaniya xwe de got:
"Hêzên Çekdar ên Rûsyayê, bi şev bi çekên bipêşketî û bi dronan li Ukraynayê êrişî kargehên ku di warê pîşesaziya leşkerî de kar dikin, kargehên montajê yên dronan, xalên lênêrîn û tamîrkirina teknîkî yên çek û alavên leşkerî û depoyên cebilxaneyê kir.
Êrişa me gihîşt armanca xwe. Hemû hedef hatin lêxistin."
Rûsyayê duh jî ragihandibû ku wan bi şev bi çekên dûravêj ên bipêşketî û bi dronan êriş bir ser tesîsên leşkerî yên li Ukraynayê.