Îro encamnameya hevdîtinên Astane tê ragihandin

Navenda Nûçeyan - Îro encamnameya hevîditinên Astanayê tê ragihandin, civînan bi awayekî girtî destpê kirin.

Şandiyê Rûdawê li paytexta Qazaxistanê ragihand ku dê heya seat 16.00ê hevdîtinên li Astanayê bidawî bibin û encamname jî bi awayekî fermî di kongreyeke rojnamevanî de bê ragihandin.

Li gorî agahiyên şandiyê Rûdawê, vê carê Şandiyê Netewên Yekbûyî Stefan De Mistura ji bo qeyrana Sûriyê jî amade nebûye û Tirkiye jî di asteke nizim de beşdar bûye.

Berê cîgirê wezîrê derve yê Tirkiyê amade bibû, lê vê carê navê serokê şanda Tirkiyê nehatiye ragihandin, lê serokê şanda hikûmeta Beşar Ceferî ji 14ê vê mehê ve li Astanayê ye.

Îro, roja Pencşemê 16ê Sibatê şandeke leşkerî ji dijbereya Sûriyê û şandeke hikûmeta Sûriyê li Astana li gel welatên serpereştyar Îran, Tirkiye û Rûsyayê dicivin û rewşa agirbestê li Sûriyê gotûbêj dikin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger