Almanya 140 ton çek û cebilxane da Pêşmerge

Dusseldorf (Rûdaw) – Roja 12 û 13ê vê mehê du firokeyên barhilgir yên artêşa Almanyayê nêzîkî 140 ton çek û cebilxaneyên leşkerî gihandin Hewlêrê.

Li gor malpera artêşa Almanyayê, firoke 12 û 13ê vê mehê ji bajarê Leipzîg yê rojhilatê Almanyayê destpêkê firiyane Bexdayê û ji wir jî barê xwe birine Hewlêrê.

Li  gorî artêşa Almanyayê, di firokeya 12ê Gulanê de ev çek û cebilxane hebûne:

- 300 guleyên roketa Mîlan

- 120 hezar guleyên “Leuchtspur“ yên tifinga G3

- 1392 guleyên roketa antîtank “Panzerfaust 3“

- 5000 narincok

 

Firokeya 13ê Gulanê jî bi giştî 77 ton çek û cebilxane gihandin Hewlêrê ku ev çek tê de hebûn:

- 1.812.000 gule ji bo tifinga G36

- 480.000 guleyên “Leuchtspur“ yên tifinga G3

- 100.000 guleyên tifinga G3

- 508.800 guleyên keleşkofa MG3

- 908 guleyên rokêtên antîtank “Panzerfaust 3“

- 60 guleyên “Illum“ yên  rokêtên antîtank “Panzerfaust“