Angela Merkel: Nabe çek bo Erebistana Siûdî werin hinardekirin

Navenda Nûçeyan - Şêwirmenda Almanyayê ragihand, ku welatê wê firotina çekan bo Erebistana Siûdî sînordar kiriye û got, di van mercan de nabe bo Erebistana Siûdî çek werin hinardekirin.

Şêwirmenda Almanyayê Angela Merkel bo hilbijartinên eyaleta Hessenê li gel serokwezîrê wê eyaletê Volker Bouffier civîneke hevbeş a rojnamevanan saz kir û di wê civînê de got, ew kuştina rojnamevanê Siûdî Cemal Xaşiqcî bi awayekî tund şermezar dike.

Angela Merkel destnîşan kir ku divê ev bûyer demildest were aşkerekirin û got, hêj ti tiştek nehatiye kirin û ji berpirsyaran hesab nehatiye pirsîn.

Merkel da xuyakirin ku jixwe hinardekirina çekan bo Erebistana Siûdî bi sînor e û di van mercan de nabe çek werin hinardekirin.

Almanya piştî Cezayirê çekan herî zêde bo Erebistana Siûdî hinarde dike û di 9 mehên her salekê de bo Cezayirê bi nêzikî 741,5 milyon euroyan, bo Erebistana Siûdî jî bi nêzikî 417 milyon euroyan çekan difiroşe.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger