Obama 2 karton bîra derda serokwezîrê Kanadayê

RÛDAW

 

Hewlêr (Rûdaw) – Serokê Amerîka Barack Obama û Serokwezîrê Kanadayê Stephen Harper li ser lîstokên olîmpiyada Soçî ya Rûsyayê merc girtin lê Obama derda Harper.

 

Serokê Amerîka Obama û Serokwezîrê Kanada Harper, bi rêya twîtterê li ser lîstika hokey ya navbera tîmên Amerîka û Kanadayê li olîmpiyada Soçî ya Rûsyayê merc girtin.

 

Li gorî merc, kîjan tîm bin ket dê serokê wî welatî ji serokê welatê din re kartonek bîra bikire.

 

Tîmên jinan û zilaman ên Kanada li tîmên jinan û zilaman ên Amerîkayê birin û derbasî qonaxa din a pêşbirkê bûn.

 

Li ser vê yekê, Obama jî 2 karton bîra derda Harper.

 

Harper li ser twîttera xwe wiha nivîsî: “Ez bêsebrane li benda 2 karton bîrayê xwe me.”

 

Obama sala 2010an jî bi Harper re li ser lîstikên olîmpiyada Vancoura Kanadayê merc girtibû û wê demê jî kartonek bîra derdabû Harper.