Li Hamburgê êriş: Gelek birîndar hene

Hewlêr (Rûdaw) – Li Stasyona Trênê ya Hamburgê di êrişeke bi kêrê de gelek kes birîndar bûn.

Polîsên bajarê Hamburgê piştrast kir "gelek kes" bi kêrê hatine birîndarkirin û êrişkar hatiye desteserkirin.

Li gorî agahiyên ku polîsan dane, li Stasyona Trênê ya Hamburgê “operasyoneke mezin” tê pêkanîn.

Rojnameyên Bild û Hamburger Morgen Postê ragihand ku birînên 3 birîndaran xedar in.

Li gorî Bildê hinek birîndar li hundirê trênên li stasyonê tên tedawîkirin.

Li gorî hinek çavkaniyan jî hejmara birîndaran 12 e.