Gerîlayan bi temamî çekên xwe danîn

RÛDAW

Navenda Nûçeyan - Li  gor peymana digel hikûmeta Kolombiyayê gava sêyemîn a çekdanîna rêxistina FARCê ku temamê radestkirina çekan hebû qediya.

 

Neteweyên Yekbûyî ragihand ku pêvajoya çekdanîna Hêzên Çekdar ên Şoreşa Kolombiya (FARC) ku di 17ê Adarê de destpêkiribû qediya û rêxistinê hemû çekên xwe radestî Neteweyên Yekbûyî kiriye.

 

Neteweyên Yekbûyî diyar kir ku ew çek dên bêne îmhakirin.

 

Serokê Kolombiyayê  Juan Manuel Santos û Serokê FARCê  Rodrigo Londono 24ê Mijdara  2016an peymanek îmze kirin û piştî vê gerîlayên rêxistinê li 26 herêman kom bûn.

 

Li gor bernameya peymanê divabû pêvajo dawiya gulanê biqediya lê hin astengiyên lojîstîk derketin û texîr bû. Dema nû wek 27ê Hezîranê hatibû diyarkirin.

 

 Serokê FARCê Londono 7ê Hezîranê wiha gotibû: "Em careke din qetiyen tundiyê bi kar nayinin. Tekane çeka me dê peyvên me bin. Me soz da emê li ser soza xwe bisekinin."