Rûdaw
Waşingotn (Rûdaw) – Serfermandarekî xanenişînkirî yê Amerîkayê dibêje: “Niha dema serxwebûna Kurdistanê ye û pêwîst e Amerîka binkeya serbazî li Kurdistanê hebe.”
Li Waşington a paytexta Amerîkayê, îro Înê 28ê Tîrmeha 2017ê panêlek derbarê referanduma serxwebûna Başûrê Kurdistanê hatiye sazdan, ku çendîn rayedarên siyasî û leşkerî yên Amerîkayê, û herwiha Şêwirmendê Encumena Asayişa Herêma Kurdistanê Mesrûr Barzanî û Parêzgarê Kerkûkê Necmedîn Kerîm tê de beşdar bûne.
Di wê panêlê de, serfermandarê xaninişînkirî yê Amerîkayê, General Ronald Griffith ragihand: “Niha dema serxwebûna Kurdistanê ye û dive Amerîka piştgiriya wê hewla Herêma Kurdistanê bide.”
Ronald Griffith got: “Divê Tirkiye û welatên din têbigihîjin, ku referanduma Herêma Kurdistanê gef nîne, divê em pişgiriyê li referandumê û daxwaza xelkê Herêma Kurdistanê bikin.”
Wî generalî amerîkî rexneyên tund li hikûmeta Iraqê girt û got, ku Bexda dostê Amerîkayê nîne û destnîşan kir: “Divê Amerîka hevkariyên xwe yên bo hikûmeta Iraqê kêm bike û hevkariyên xwe bo Herêma Kurdistanê zêde bike.”
Gen. Ronald Griffith herwiha diyar kir: “Pêwîst e Amerîka binkeya serbazî li Kurdistanê hebe, her weke çawan ku li Kuweytê hebe.”
Tê nûkirin…
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse