Donald Trump: Ez êdî ne ew mirovê nerm im, zû biryarê bidin!

RÛDAW

Hewlêr (Rûdaw) - Serokê Amerîkayê Donald Trump wêneyekî xwe yê ku çekeke lûledirêj di destê wî de ye parve kir û got, "Êdî mirovê dilnerm nîne!"

Trump di demekê de ku aloziya di navbera Amerîka û Îranê de didome bi rêya medyaya civakî peyameke balkêş parve kir.

Gefên tund ên li ser Îranê

Serokê Amerîkayê Donald Trump, ew wêneyê xwe yê çekdar bi rêya platforma Truth Socialê belav kir.

Trump di peyama xwe de gef li birêvebiriya Îranê xwar û da zanîn ku ew dê êdî bi awayekî nerm tevnegere.

Wî her wiha ji Tehranê xwest ku demildest biryara xwe bide.

"Êdî mirovê dilnerm nîne!"

Trump di peyama xwe ya li ser wêneyê de, bi tîpên mezin cih da îfadeya "ÊDÎ MIROVÊ DILNERM NÎNE!" (NO MORE MR. NICE GUY!).

"Bila demildest hişê xwe bidin serê xwe"

Serokê Amerîkayê di peyama xwe de hişyariyeke tund da Îranê û wiha nivîsî:

"Îran bi ti awayî nikare xwe komî ser hev bike. Ew nizanin bê ka dê çawa peymaneke nenukleer îmze bikin."

Trump axaftina xwe bi van gotinan bi dawî kir:

"Dê gelekî baş be ku demildest hişê xwe bidin serê xwe! Serok DJT"