Hewlêr (Rûdaw) - Serokê Rêveberiya Leşkerî ya Bajarê Kyivê Sergey Popko ragihand ku, Rûsan duh bi şev bi balafirên bêmirov êrîşek li dijî paytexta wî welatî bajarê Kyivê pêk anîn û got ku li navçeya Golosivskiyê ji ber perçeya li apartmanekê ket, kesek hat kuştin û 3 kes birîndar bûn.
Serokê Rêveberiya Leşkerî ya Bajarê Kyivê Sergey Popko di daxuyaniya li ser hesabê xwe yê medyaya civakî de diyar kir, artêşa Rûsyayê 3 caran êrîşa asîmanî li dijî Kyivê pêk anî û di qada asîmanî ya Kyivê de zêdeyî 20 balafirên bêmirov hatin daxistin.
Popko got ku êrîşên bi şev ji aliyên cuda wekî çend pêlan hatin kirin û wiha got, "Alarma asîmanî qedera 3 saetan dewam kir."
Popko destnîşan kir, ji ber ketina perçeyên dronan, li hin navçeyên paytext ziyana canî û madî çêdibe û got, "Li navçeya Golosîvskiyê ji ber ketina perçeyekê di herdu qatên dawîn ên apartmanekê de şewat derket, zêdeyî 20 kesî hatin texliyekirin, kesek hat kuştin, 3 kes birîndar bûn."
Di heman demê de Popko diyar kir, li cihê bûyerê xebatên lêgerîn rizgarkirinê didomin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse