یەک بیتکۆین بە زیاتر لە 90 هەزار دۆلار مامەڵەی پێودەکرێت

 

رۆژی شەممە نرخی یەک بیتکۆین بە زیاتر لە 90 هەزار دۆلار مامەڵەی پێوەدەکرێت و لە ماوەی 24 کاژێری رابردوودا نزیکەی 2 هەزار دۆلار بەرزبوونەوەی بەخۆیەوە بینیوە.

 

هۆکاری بەرزبوونەوەی نرخی بیتکۆین، گەورەترین دراوی دیجیتاڵی، بۆ بەرزبوونەوەی بەهای پشکی کۆمپانیاکانی تەکنۆلۆجیا و پلاتفۆرمەکانی ئاڵوگۆڕی دراوی دیجیتاڵی دەگەڕێتەوە.

 

لە یەکەم رۆژی کردنەوەی بازاڕەکان لە ساڵی 2026 دا لە رۆژی هەینی، بەهای پشکی کۆمپانیای (کۆین بەیس) بەڕێژەی 4.4٪ و کۆمپانیای (ستراتیژی) بەڕێژەی 3.8٪ و (ماراسۆن دیجیتاڵ) بەڕێژەی 9.6٪ بەرزبوونەوەی بەخۆیەوە بینیوە.

 

نرخی بیتکۆین ساڵی 2025ـی بە دابەزینی 6٪ ـی بەڕێکرد.

 

ئەوەش یەکەم دابەزینی ساڵانەی نرخی بیتکۆینە لە دوای ساڵی 2022 وەوە.