ئێران لە مانگی رابردوودا بە بەهای 5.7 ملیار دۆلار کاڵای هەناردە کردووە
رووداو دیجیتاڵ
حکومەتی ئێران ئامارەکانی پەیوەست بە بازرگانیی دەرەکی لەو وڵاتە لە مانگی ئەیلوولی ئەمساڵ بڵاوکردەوە.
بەپێی ئەو ئامارانە، قەبارەی هەناردەکاریی ئێران لە رووی کێشەوە بە رێژەی 6% و لە رووی بەهاوە بە رێژەی 24.5% زیادیکردووە کە بە بڕی 5 ملیار و 700 ملیۆن دۆلار کاڵای هەناردەی وڵاتانی دیکە کردووە.
لەو مانگەدا بە بڕی 2 ملیار و 267 ملیۆن دۆلار کاڵا لە ئێرانەوە هەناردەی چین کراوە کە بە یەکەم هاوبەشی بازرگانیی ئەو وڵاتە دادەنرێت.
دوای چین، ئێران زۆرترین کاڵای بۆ عێراق هەناردە کردووە و لەو ماوەیەدا بە بەهای 565 ملیۆن دۆلار کاڵای هەناردەی ئەو وڵاتە کردووە.
دوای عێراقیش، ئیمارات بە سێیەم هاوبەشی بازرگانیی ئێران دادەنرێت و لە مانگی ئەیلوولدا بە بڕی 379 ملیۆن دۆلاری کاڵا لە ئێرانەوە هەناردەی ئەو وڵاتە کراوە.