نرخی بیتکۆین نزیکە لەوەی بگاتە بەرزترین ئاستی مێژوویی

 

لە ماوەی 24 کاژێری رابردوودا بە بڕی 81 ملیار دۆلار مامەڵە بە بیتکۆینەوە کراوە و بەهای بازاڕی ئەو دراوە دیجیتاڵییە گەیشتووەتە 2.34 تریلیۆن دۆلار.

 

کڕیارانی بیتکۆین ئێستا چاویان لە ئاستی 121 هەزار و 500 دۆلار و لەڕووی تەکنیکییەوە ئەو ئاستە دەکرێ بە ئاسانی بەدەست بێت.

 

لە ماوەی یەک هەفتەی رابردوودا، نرخی بیتکۆین بەڕێژەی 10٪ بەرزبوونەوەی بەخۆیەوە بینیوە.

 

بەو پێیەش، بیتکۆین باشترین هەفتەی لە مانگی چواری ئەم ساڵ بەدواوە بەڕێکرد.

 

بەرزبوونەوەی بەرچاوی بیتکۆین لە ماوەی 24 کاژێری رابردوودا بەبڕی 550 ملیۆن دۆلار مامەڵەکارانی مایەپووچکردووە.

 

ئەوانە ئەو کەسانە بوون کە لە بازاڕدا، بیتکۆینیان فرۆشتووە و بازاڕ بە پێچەوانەی ئەوان، بەرزبووەتەوە.