رووداو دیجیتاڵ
براد پیت، ئەکتەری ئەمریکی، لە نوێترین فیلمیدا دەچێتە نێو گۆڕەپانی پێشبڕکێی فۆرمولا وەن و بە خێراییەکی زۆر ئۆتۆمبێل لێدەخوڕێت.
فیلمەکە بەناوی "F1"یە، بۆ ناساندن و ئامادەکاری بۆ بڵاوکردنەوەی، یەکەم ترەیلەری بڵاوکرایەوە، بڕیارە فیلمەکە لە 26ـی حوزەیرانی 2025 لە سینەماکانی جیهاندا بڵاوبکرێتەوە.
لە تریلەری فیلمەکەدا، دەنگی بەهێزی ئۆتۆمبێل و پێشبڕکێی فۆرمولا وەن ئاوێتەی گۆرانیی "We Will Rock You" کراوە کە یەکیک لە بەرهەمە بەناوبانگەکانی گرووپی "Queen"ـی بەریتانییە و لە 1977 بڵاوکرایەوە.
لە فیلمەکەدا پیت شوفێرێکی پێشوویی فۆرمولا وەنە، بۆ راهێنان و هاندانی هاوکارە تازە دەرکەوتووەکەی لەو بوارەدا دەگەرێتەوە گۆڕەپانی ئەو پێشبڕکێیە جیهانییە.
لەم بەرهەمەدا جگە لە براد پیت، هەریەک لە دامسن ئیدریس و خافیێر باردێم رۆڵی سەرەکی دەگێڕن.
