رووداو دیجیتاڵ
گۆرانیبێژی میللیی سامان زیرەک، بەهۆی نەخۆشییەوە کۆچی دواییکرد.
جەزای ساز، سەرۆکی کۆمەڵەی هونەرە میللییەکانی کوردستان، ئەمڕۆ هەینی بە تۆڕی میدیایی رووداوی گوت: "سامان زیرەک بەهۆی نەخۆشییەوە لە شاری هەولێر کۆچی دواییکرد".
سامان زیرەک نەخۆشی شێرپەنجەی جگەری هەبوو، نزیکەی ساڵێکە بەهۆی نەخۆشییەکەوە دەناڵێنێت.
سامان زیرەک لە دیدارێکیدا لەگەڵ جەزای ساز، کە 8ـی شوباتی 2025 لەگەڵی کردووە و لەسەر کورسیی نەخۆشخانە دانیشتووە، داوای نزای خێر لە خەڵک دەکات.
سامان زیرەک یەکێکە لەو گۆرانیبێژە میللییانەی بە گوتنەوەی گۆرانییەکانی هونەرمەندی نێوداری کوردستان، کۆچکردوو حەسەن زیرەک ناسرا و نێوبانگی دەرکرد.
.png&w=3840&q=75)
