رووداو دیجیتاڵ
بەراورد بە هەفتەی رابردوو، بەهای دینار بەرزبووەوە؛ ئەمڕۆ لە هەولێر 100 دۆلار بە 155 هەزار و 350 دینار مامەڵەی پێوە دەکرێت.
رۆژی (یەکشەممە، 17-12-2023) حاجی سابیر باواجی، ئەندامی ئەنجوومەنی ئاڵوگۆڕی دراو لە هەولێر بە تۆڕی میدیایی رووداوی گوت، 100 دۆلار بە 155 هەزار و 350 دینار دەفرۆشرێت. لەکاتێکدا هەفتەی رابردوو 100 دۆلار بە زیاتر لە 156 هەزار دینار دەفرۆشرا.
بانکی ناوەندیی عێراق رۆژانە نزیکەی 200 ملیۆن دۆلار بە نرخی فەرمی دەفرۆشێت کە بۆ 100 دۆلار 132 هەزار دینار وەردەگرێت. ئاڵوگۆڕکارانی دراو دەڵێن، ئەو پارەیە بەشی زۆری بۆ دەرەوەی وڵاتە؛ بۆیە بەهای دینار بەرامبەر دۆلار ناجێگیرە.
