رووداو - تەندروستی
توێژینەوەیەکی زانکۆی پێنسیلڤانیا دەریدەخات، خواردنی یەک ئەڤۆکادۆ لە رۆژێکدا کوالێتیی تەندروستیی مرۆڤ بەرزدەکاتەوە و خەوتن باشتر دەکات.
توێژینەوەکەی زانکۆی پێنسیلڤانیا ئاماژە بەوەدەکات، ئەڤۆکادۆ چەوریی خوێن دەدەبەزێنێت و مەترسیی تووشبوون بە نەخۆشییەکانی دڵ و خوێنبەرەکان کەمدەکاتەوە.
دکتۆر ژێنهاڤی دامانی، سەرپەرشتیاری توێژینەوەکە دەڵێت، '' ئەو کەسانەی کە رۆژانە ئەڤۆکادۆ دەخۆن خەو، چەوری خوێن و تەندروستییان باشتر دەبێت''.
بە گوێرەی دامەزراوەی دڵ لە ئەمریکا، هەڵبژاردنی شێوازی ژیانی تەندروست وەکو جۆر و کاتی خواردن، سیستەمی رێکی خەو و وەرزشکردن مەترسیی نەخۆشییەکانی دڵ و خوێنبەرەکان کەمدەکەنەوە.
