رووداو - تەندروستی
ناوەندی خۆراک و دەرمان لە ئەمریکا FDA رایدەگەیێنێت، بەم زوانە ڤاکسینی نوێی دژ بە ڤایرۆسی کۆرۆنا بەردەستدەبێت و دەشێت بۆ پێشگیریکردن لە تووشبوون بە جۆرە گۆڕاوەکانی کۆرۆنا بەکاربهێندرێت.
ناوەندی خۆراک و دەرمان لە ئەمریکا ئاماژە بەوەدەکات، هەر یەکە لە کۆمپانیاکانی مۆدێرنا و فایزەر کار لەسەر بەرهەمهێنانی ڤاکسینی نوێی کۆرۆنا دەکەن کە هەردووک گۆڕاوی 'KP.2' و 'KP.3.1.1' سەر بە خێزانی ئۆمیکڕۆن دەکاتە ئامانج.
بە گوێرەی کۆمپانیای مۆدێرنا و فایزەر لەگەڵ پەسندکردنی ئەم ڤاکسینە لە لایەن FDA، رێژەیەکی بەرچاوی ڤاکسین بەردەستدەبێت.
بەپێی ناوەندی کۆنتڕۆلکردن و پێشگیریکردن لە نەخۆشییەکان لە ئەمریکا CDC، ڤاکسینی دژ بە ڤایرۆسی کۆرۆنا دەشێت لە دوای تەمەنی شەش مانگییەوە وەربگیرێت.
