رووداو - تەندروستی
توێژینەوەیەک لە چین دەریدەخات، قاوە ماسوولکەکان بەهێزدەکات و بەساڵاچووان لە پووکانەوەیان دەپارێزێت.
توێژینەوەکە لە زانکۆی پزیشکیی گوانگسی لە چین لەسەر هەشت هەزار و 300 کەس کرا و دەرکەوت، ئەوانەی رۆژانە قاوە دەخۆنەوە بارستەی ماسوولکەکانیان 13٪ زیاترە بەراورد بەوانەی قاوە ناخۆنەوە.
هوانگی یین، نووسەرێکی توێژینەوەکەیە دەڵێت: ''دەشێت ئەم سوودەی قاوە بەهۆی تایبەتمەندیی دژەئۆکسێن و کافایینەکەیەوە بێت کە ئەمانە هەوکردن کەمدەکەنەوە، بەمەش بارستەی جەستەی ماسوولکەکان زیاتر دەبن''.
هەرچەندە ئەنجامەکانی لێکۆڵینەوەکە لە گۆڤاری زانستیی فرۆنتێرس بڵاوبووتەوە، بەڵام توێژەران هۆشداری دەدەن کە ئەم بڕیارە پێویستی بە لێکۆڵینەوەی زیاترە و نابێت زێدەڕۆیی لە خواردنەوەی قاوە دا بکرێت. {رێژەی ئاسایی خواردنەوەی قاوە، سێ کووپە لە رۆژێکدا}.
بارستەی ماسوولکە بریتییە لە بڕی ماسوولکەکانی جەستە کە یارمەتیدەرە لە بەهێزی و هاوسەنگیی جەستە بەتایبەت لەکاتی بەساڵاچووندا، چونکە زۆرجار رێگری لە کەوتن و لاوازبوونی بەساڵداچوون دەکات، لەبەر ئەوەی پووکانەوەی ماسوولکەکان و کەوتن کێشەیەکی سەرەکیی بەساڵداچوونن.
لەبارەی بەساڵاچووانەوە دکتۆر ئاراس لە بەرنامەیەکیدا دەڵێت: ''بەساڵاچووان دڵیان ناسکترە و دڵیان مەشکێنن''، بزانە بۆ وا دەڵێت؟
