رووداو - تەندروستی
دەزگای خۆراک و دەرمان لە ئەمریکا رایدەگەیێنێت، ئەوانەی دەرمانەکانی قەڵەوی بەکاردەهێنن، دەشێت لەکاتی سڕکردنی گشتی مەترسیی بکەوێتە سەر ژیانیان و هۆکارەکەش رووندەکاتەوە.
دەزگای خۆراک و دەرمان FDA لە ئەمریکا ئاشکرای دەکات، بەکارهێنەرانی ئەو جۆرە دەرمانانە دەشێت لەکاتی سڕکردنی گشتی بەشێک لە هەوا بڕواتە نێو سییەکانیان بەمەش ئەگەری تووشبوون بە هەوکردنی تووند و لێکەوتەکانی سڕکردن زیاددەکات.
هەر بۆیە دەزگاکە پێشنیازدەکات، پێش نەشتەرگەری ماوەیەک دەرمانەکە بەکارنەهێندرێت، بۆ ئەوەی سڕکردنەکە بە باشی سەربگرێت و ئەو مادەیەی نێو دەرمانەکانی قەڵەوی کار نەکاتە سەر پڕۆسەی سڕکردنەکە.
گوتەبێژی FDA بە پزیشکانیش دەڵێت: پێویستە پێش نەشتەرگەری، پرسیاری بەکارهێنانی دەرمانەکانی قەڵەوی لە نەخۆش بکەن.
.png&w=3840&q=75)
.png&w=3840&q=75)