رووداو - تەندروستی
توێژینەوەیەک لە بەریتانیا ئاشکرای دەکات، بەکارهێنانی مۆبایل لەکاتی خواردنی خۆراکدا هۆکارێکە بۆ ژەهراویبوون بە بەکتریا و ڤایرۆسەکان.
توێژینەوەکە لە زانکۆی چێستەر لە بەریتانیا کرا و دەرکەوت، دەستدان لە مۆبایل و دانانی لەسەر مێزی نانخواردن دەکرێت ببێتەهۆی گواستنەوەی میکرۆبەکان و تێکەڵبوونی لەگەڵ خۆراکەکە.
د. گاریس نی، پسپۆڕی فیسیۆلۆژی لە زانکۆکە دەڵێت: بەشێکی زۆری ئەو میکرۆبانەی لەسەر رووی مۆبایلەکاندا هەن، هۆکارن بۆ هەوکردنی سییەکان و ژەهراویبوونی خوێن، بەمەش دەشێت کەسەکە تووشی هەوکردنی زۆر تووند و درێژخایەن بکەن.
پسپۆڕان ئەم رێگەیانەی خوارەوە بۆ پاککردنەوەی مۆبایلەکان پێشنیازدەکەن؛
- کوژاندنەوە مۆبایل
- لابردنی کەڤەرەکەی و شووشتنی بە ئاوی گەرم و سابوون
- دانانی ئەو کەڤەرە تاوەکو بە تەواوی وشکدەبێتەوە
- ئینجا پاککردنەوەی درزەکانی رووکاری مۆبایل
- شەوانە بەکارهێنانی پاکژکەرەوەی کحولی بۆ سەر رووکاری مۆبایلەکە
