رووداو - تەندروستی
پسپۆڕێکی نەخۆشییەکانی مێشک و دەمار رایدەگەیێنێت، کاریگەرترین چارەسەری ئێستای لاسەرئێشە ''شەقیقە'' بۆتۆکسە.
د. رزگار حامید، پسپۆڕی نەخۆشییەکانی مێشک و دەمار لە بڕگەیەکی مەیدانیدا کە لونا خالید پێشکێشی کرد گوتی، شەقیقە باوترین جۆری سەرئێشەیە و دەشێت بەهۆیەوە کەسی تووشبوو پەکی بکەوێت و نەتوانێت چالاکییەکانی رۆژانەی ئەنجامبدات.
بەگوتەی د. رزگار حامید، 50٪ـی نەخۆشەکان سوود لە بۆتۆکس دەبینن و نیشانەکانی لاسەرئێشەیان کەمدەبێتەوە، ''بەڵام دەبێت لەلای کەسی شارەزا بکرێت''.
ئەو پسپۆڕە نیشانەکانی شەقیقە باسدەکات کە دەشێت لەکاتی سەرئێشەکە دووچاری کەسەکە ببن وەکو؛
- هێڵنج و رشانەوە
- بێزاربوون لە دەنگ و رووناکیی بەرز
- نەتوانین بۆ ئەنجامدانی کارەکانی رۆژانە بەهۆی سەرئێشەوە
- تێکچوونی میزاج
- خەواڵوویی
