رووداو - تەندروستی
لە سنووری ئیدارەی راپەڕین چەندان بنکە و مەڵبەندی تەندروستی بایکۆتی کاریان کردووە و پەیامنێری رووداو دەڵێت: تەنیا بەشەکانی فریاکەوتن و راوێژکارییەکان هەن.
ئەمڕۆ سێشەممە 15-7-2025 ئەبوبەکر ئیسماعیلی پەیامنێر لەبەردەم مەڵبەندی تەندروستیی کێوەڕەش گوتی، زۆرینەی کارمەندەکانیان بایکۆتی کاریان کردووە و دەوام ناکەن. جگە لەوە بایکۆت لە بنکەی تەندروستیی راپەڕین و بەشی راوێژکاریی نەخۆشخانەی رانیەش هەیە. تەنانەت کارمەندانی سەنتەری تیشکیش لە راپەڕین بایکۆتیان راگەیاندووە.
ئەمڕۆ نزیکەی 80 رۆژە مووچەخۆرانی هەرێمی کوردستان مووچەیان پێنەدراوە و لەلایەن بەغداوە راگیراوە.
