رووداو - تەندروستی
توێژینەوەیەکی گۆڤاری نەیچەر دەریدەخات، مادەیەکی نێو خواردنەوە وزەبەخشەکان دەشێت ریخۆشکەر بێت بۆ تووشبوون بە شێرپەنجەیەکی کوشندە.
توێژینەوەکە لە زانکۆی رۆچستەر لە ئەمریکا کرا و دەرکەوت، مادەی تاورین کە لەنێو خواردنەوە وزەبەخشەکاندا هەیە دەشێت رۆڵی کاریگەریی هەبێت لە باشتر گەشەکردن و هاندانی خانە شێرپەنجەییەکانی خوێن.
نووسەرانی توێژینەوەکە جەختیان لەوە کردووەتەوە، مادەکە بە تێکەڵ لەگەڵ شەکر و کافایین ئەم کاریگەرییە مەترسیدارە دروست دەکات.
بەپێی FDA، تاورین لەنێو خۆراکدا هەیە و یەکێکە لە ترشە ئەمینییەکانی نێو جەستەی مرۆڤ. لە کەسانی تەندروستتدا تاوەکو 6 گرام لە رۆژێکدا ئاساییە بخورێت. بەڵام کاتێک لەگەڵ کافاین و شەکر تێکەڵ دەکرێت زۆر زیانی دەبێت و دەبێتە هاندەرێک بۆ شێرپەنجە.
