رووداو - تەندروستی
توێژینەوەیەکی شیکاری دەریدەخات، خانمانی دووگیان سیستمی خۆراکییان تێکبچێت، ئەگەر تووشبوونی کۆرپەلەکەیان بە نەخۆشیی رەبۆ زیاد دەبێت.
توێژەرانی زانکۆی ئیمپێریاڵ لە بەریتانیا و ئیراسمەس لە هۆڵەندا زانیارییەکانی 131 هەزار دایک و منداڵیان کۆکردووەتەوە و بۆیان دەرکەتوووە، تێکچوونی سیستمی خۆراکی لەماوەی دووگیانیدا 17٪ ئەگەری تووشبوونی کۆرپەلە بە رەبۆ زیاد دەکات.
توێژەران بۆیان دەرکەوتووە، ئەو منداڵانەی دایکیان لەماوەی دووگیانیدا تووشی تێکچوونی خۆراکی بوون، تاوەکو تەمەنی 6 ساڵییان هەناسەتەنگییان بۆ دروستبووە و دوای ئەو تەمەنەش نیشانە درێژخایەنەکانی رەبۆیان لەسەر دەرکەوتووە.
بەگوێرەی مایۆکلینیک، کێشەی خۆراکی خانمانی دووگیان زۆرجار کەمخۆرییە، بەمەش مادە خۆراکی و ڤیتامینەکان لە جەستەیان کەم دەبنەوە و دۆخێکی هاوشێوەی بەدخۆراکی لێدروستدەبێت.
باشترین جۆری خۆراک بۆ خانمانی دووگیان چییە؟ پسپۆڕێکی خانمان و منداڵبوون لە بەرنامەی دکتۆر ئاراس روونی دەکاتەوە؛
.png&w=3840&q=75)
