رووداو دیجیتاڵ
دەستەی راگەیاندن و پەیوەندییەکانی عێراق دەڵێت، تەنیا لە 10 رۆژدا هەزاران تێرابایت داتا لە تۆڕە کۆمەڵایەتییەکان بەکارهێندراوە.
ئەمڕۆ هەینی، 23ـی ئابی 2024، دەستەی راگەیاندن و پەیوەندییەکانی عێراق لە راگەیێندراوێکدا بەکارهێنانی تۆڕە کۆمەڵایەتییەکانی لە رۆژانی ئامادەکاری بۆ رێورەسمی چلەی ئیمام حوسێن بڵاوکردەوە و رایگەیاند، لە رۆژی 9ـی ئاب تاوەکو 21ـی ئاب، زیاتر لە 78 ملیۆن هەژماری تۆڕە کۆمەڵایەتییەکانیان لە رێوڕەسمەکانی چلەی ئیمام حوسێندا چالاک بوون.
ژمارەی بەکارهێنەرانی تۆڕەکۆمەڵایەتییەکان بەم جۆرە بووە:
- وەتسئەپ؛ 23 ملیۆن و 785 هەزار و 352 بەکارهێنەر
- فەیسبووک؛ 15 ملیۆن و 430 هەزار و 333 بەکارهێنەر
- ئینستاگرام؛ 10 ملیۆن و 750 هەزار و 232 بەکارهێنەر
- یوتیووب؛ 11 ملیۆن و 112 هەزار و 647 بەکارهێنەر
- تیکتۆک؛ 9 ملیۆن و 279 هەزار و 433 بەکارهێنەر
- تەلەگرام؛ 7 ملیۆن و 750 هەزار و 961 بەکارهێنەر
قەبارەی داتای بەکارهاتوو بەم جۆرە بووە:
- تەلەگرام؛ 3234 تێرابایت
- تیکتۆک؛ 2437 تێرابایت
- فەیسبووک؛ 2554 تێرابایت
- یوتیووب؛ 1435 تێرابایت
- ئینستاگرام؛ 1423 تێرابایت
- واتسئاپ؛ 610 تێرابایت
25ى ئاب یادى چلەى ئیمام حوسێن، سێیەم ئیمامى شیعەکانە و زیارەتکاران سەردانى شارى کەربەلا دەکەن کە مەزارگەى ئەو ئیمامەى لێیە، هەندێک لە زیارەتکاران سەردانى سامەڕا و کازمییە و مەزارى ئیمام عەلى-یش لە نەجەف دەکەن.
بەگوێرەى نوێترین ئامار کە دەستەى دەروازە سنوورییەکانى عێراق لە 23ى ئاب بڵاویکردووەتەوە، ژمارەى زیارەتکارانى بیانى کە سەردانى عێراقیان کردووە، گەیشتووەتە سێ ملیۆن و 133 هەزار و 432 کەس.
