رووداو دیجیتاڵ
باڵیۆزخانەی ئەمریکا لە عێراق بە تۆڕی میدیایی رووداوی راگەیاند، باڵیۆزخانە و کۆنسووڵخانەکانیان لە بەغدا و هەولێر بە کراوەیی ماونەتەوە و لە کارکردن بەردەوامن.
گوتەبێژێکی باڵیۆزخانەی ئەمریکا لە بەغدا بە جولیان بیچوچا، ئیدیتۆری تۆڕی میدیایی رووداوی گوت: "باڵیۆزخانە و کۆنسووڵخانەی گشتی کراوەن و کاردەکەن".
ئەو گوتەبێژە ئاماژەی بەوەشکرد: "پێداگرانە پابەندین بە جێبەجێکردنی کارە لەپێشینەکانی سیاسەتەکەمان لە عێراق، بەهێزکردنی سەروەریی عێراق و هاوئاهەنگیکردن لەگەڵ سەرکردەکانی عێراق و خەڵکی عێراق."
گوتەی ئەم گوتەبێژە لە کاتێکدایە، بەرەبەیانی ئەمڕۆ ئیسرائیل هێرشی کردە سەر ئێران و هێرشەکە تاوەکو ئەم ئێوارەیەش بەشێوەی پچڕ پچڕ و جیاواز بەردەوام بوو.
ئەمشەویش سوپای پاسداران بە مووشەکی بالیستی هێرشی کردە سە ئیسرائیل.
.png&w=3840&q=75)