رووداو دیجیتاڵ
دوو برا لەکاتی پاککردنەوەی بیرێکی ئاودا لە پارێزگای سەڵاحەدین گیانیان لەدەستدا و برایەکی دیکەشیان لە نەخۆشخانە چارەسەر وەردەگرێ.
یاسین محەممەدعەلی داودی، ئەندامی ئەنجوومەنی پارێزگای سەڵاحەدین، ئەمڕۆ شەممە، 16-08-2025، بە تۆڕی میدیایی رووداوی راگەیاند: "رووداوەکە ئێوارەی دوێنێ لە گوندی ناهیەی سەر بە ناحیەی ئاشوور لە قەزای شەرگات روویدا."
بە گوتەی ئەو ئەندامەی ئەنجوومەنی پارێزگاکە، ئەو دوو برایە چوونەتە نێو بیرێکەوە بۆ پاککردنەوەی، بەڵام بەهۆی نەبوونی ئۆکسجین و بوونی گازی ژەهراوییەوە گیانیان لەدەستداوە.
یاسین محەممەدعەلی دادودی ئاماژەی بەوەشکرد: "برایەکی دیکەیان چووەتە نێو بیرەکەوە هاوکارییان بکات، بەڵام بە هەمان هۆکار باری تەندروستی تێکچووە و گەیێندراوتە نەخۆشخانە و خراوەتە ژێر چاودێریی چڕەوە."
