رووداو دیجیتاڵ
وەزارەتی پەروەردەی عێراق بڕیاری دا تاقیکردنەوەی خولی سێیەم بکرێت، بەڵام جێبەجێکردنی بڕیارەکە پێویستی بە رەزامەندیی ئەنجوومەنی وەزیرانە.
ئەحمەد عوبەیدی، بەڕێوەبەری راگەیاندن و پەیوەندییەکانی وەزارەتی پەروەردەی عێراق ئەمڕۆ یەکشەممە 28-09-2025 بە تۆڕی میدیایی رووداوی راگەیاند، ئەمڕۆ دەستەی را لە وەزارەتەکەیان دەنگی لەسەر بەڕێوەچوونی خولی سێیەم داوە بۆ قوتابییانی قۆناخە کۆتاییەکان (شەشی سەرەتایی، سێیەمی ناوەندی و شەشەمی ئامادەیی) کە لە تاقیکردنەوەکانی خولی دووەمدا دەرنەچوون.
بەڕێوەبەری راگەیاندن و پەیوەندییەکانی وەزارەتی پەروەردەی عێراق گوتیشی، بڕیارەکە بۆ پەسندکردن ئاراستەی ئەنجوومەنی وەزیرانی عێراق دەکرێت.
ئەمڕۆ یەکشەممە، ئەنجامی تاقیکردنەوەکانی خولی دووەمی پۆلی شەشەمی ئامادەیی لە عێراق راگەیێندرا.
