رووداو دیجیتاڵ
ئاسایشی هەولێر دەستگیرکردنی سێ تۆمەتباری بە تۆمەتی کوشتنی هاونیشتمانییەک لە هەولێر راگەیاند.
رۆژی یەکشەممە 28-05-2023، لەسەر شەقامی 100 مەتریی هەولێر، بەهۆی دەستڕێژی گولـلەوە هاونیشتمانییەک کوژرا و یەکێکی دیکەش بریندارکرا.
وەک ئاسایشی هەولێر دەڵێت، ئەو تۆمەتبارانەیان لە گوندی کەڵەکینی خەلیفان دەستگیرکردووە.
برینداری رووداوەکە ناوی سەربەست ئەمیرە، لە نەخۆشخانە قسەی بۆ رووداو کرد و ئاماژەی بەوەدا، ئەوان هیچ کێشەیەکیان لەگەڵ کەسدا نەبووە و هۆکاری تەقەکردنەکە نازانن.
بەگوێرەی ئاماری پۆلیس، ساڵی رابردوو 455 رووداوی کوشتنی ئەنقەست، بە هەڵە و خۆکوشتن لە هەرێمی کوردستان تۆمارکراون.
