رووداو دیجیتاڵ
نیوەڕۆی ئەمڕۆ ئۆتۆمبێلێکی جۆری شیری کەوتە نێو بەنداوی خاسەی کەرکووک؛ شۆفێر و سەرنشینەکانی ئۆتۆمبێلەکە سەلامەتن.
عەقید ئەحمەد شەمێرانی، ئەفسەری ئیشکگر لە پۆلیسی رووبارەوانیی کەرکووک بەتۆڕی میدیایی رووداوی راگەیاند، "نیوەڕۆ چەند گەنجێک بۆ سەیران سەردانی بەنداوەکەیان کردووە. ئۆتۆمبێلەکەیان کەوتووەتە نێو ئاوەکە و نوقم بووە". گوتیشی، تیمەکانی گەیشتنە شوێنی رووداوەکە و توانیان لەماوەکی زوودا ئۆتۆمبێلەکە لەژێر ئاوەکە بهێننە دەرەوە و رادەستی خاوەنەکەی بکەنەوە.
عەقید ئەحمەد راشیگەیاند، "خۆشبەختانە سەرنشینەکان لەنێو ئۆتۆمبێلەکەدا نەبوونە ئەوکاتەی کەوتووەتە نێو ئاوەکە و سەلامەت بوونە."
