ئەوانەی لە حەمدانیە پێکەوە بۆ ئاهەنگگێڕان چوون، تەرمەکانیان پێکەوە بەرەو گۆڕستان بران

ئاگرکەوتنەوە لە هۆڵێکی ئاهەنگگێڕانی شارەکە سەرچاوەی ئەو هەموو شین و ماتەمەیە؛ لەو ئاهەنگەدا هەمووان چاویان لە سەمایەکی خاوی بووک و زاوا بوو، کاتێک یاریی ئاگرین هەموو شتێکی تێکدا. تاوەکو ئێستا زیاتر لە 100 کەس گیانیان لەدەستداوە و چەند هێندەی ئەو ژمارەیە بریندارن. 

ئەمڕۆ پێنجشەممە، 28-9-2023، تەرمی زیاتر لە 45 کەس لە حەمدانیە بە خاک سپێردران. لەم وێنانەدا رێوڕەسمی بەخاکسپاردنەکە و شین و ماتەمی ئازیزانیان دەبینن.