رووداو دیجیتاڵ
کەشناسیی هەرێمی کوردستان دەڵێت، ئەمڕۆ هەینی بەراورد بە دوێنێ، پلەی گەرما نزیکەی سێ پلە بەرز بووەوە و سبەینێش نزیک دەبێت لە تۆمارکراوەکانی ئەمڕۆ.
کەشناسی ئاماژەی بەوەش کردووە، سبەی ئاسمانی هەرێمی کوردستان لەنێوان پەڵەهەور و نیمچەهەوردا دەبێت و خێرایی با لەسەرخۆ و مامناوەند دەبێت.
ئاراس جەبار، شارەزای کەشناسی بە تۆڕی میدیایی رووداوی گوت، سبەی هاوشێوەی ئەمڕۆ کەشێکی بەهارە دەبێت، بەڵام رۆژانی یەکشەممە و دووشەممە شەپۆلێکی بارانبارینی "لاواز" چەند ناوچەیەک دەگرێتەوە.
ئەو کەشناسە گوتی، پێشبینی دەکەن لە 7 بۆ 11ـی مانگ، شەپۆلێکی مامناوەندیی باران هەرێمی کوردستان بگرێتەوە.
بەگوێرەی کەشناسیی هەرێمی کوردستان، پلەی گەرمای سبەی بەمشێوەیەی خوارەوە دەبێت:
- هەولێر؛ 17 پلەی سیلزی
- سلێمانی؛ 16 پلەی سیلزی
- دهۆک؛ 17 پلەی سیلزی
- زاخۆ؛ 18 پلەی سیلزی
- هەڵەبجە؛ 16 پلەی سیلزی
- کەرکووک؛ 19 پلەی سیلزی
- سۆران؛ 16 پلەی سیلزی
- حاجی ئۆمەران؛ 7 پلەی سیلزی
- گەرمیان؛ 20 پلەی سیلزی
