رووداو دیجیتاڵ
لە پارێزگای لوڕستان، ئۆتۆمبێلێک کەوتە نێو بەنداوێک و بەهۆیەوە دوو لە سەرنشینانی خنکان.
ئەمڕۆ چوارشەممە 12ی حوزەیرانی 2024 محەممەد قەدەمی، بەڕێوەبەری مانگی سووری لوڕستان رایگەیاند، رووداوەکە شەوی سێشەممە بووە و لە ناوچەی کەهمانی سەر بە شاری ئەلیشتەر روویداوە.
بە گوتەی محەممەد قەدەمی، تەرمی دوو لە سەرنشینانی ئۆتۆمبێلەکە لەلایەن تیمەکانی فریاکەوتنی سەر بە مانگی سوورەوە دوای حەوت کاژێر لە بەنداوەکە دەرهێندراون.
بەڕێوەبەری مانگی سووری لوڕستان دەڵێت، دوای دەرهێنانیان، تەرمەکان رادەستی دادپزیشکیی شاری ئەلیشتەر کراون.
