رووداو دیجیتاڵ
پارێزگای شرنەخ قەدەخەی هەموو جۆرە چالاکییەکی وەکو خۆپیشاندان، رێپێوان، لێدوانی رۆژنامەڤانی، گردبوونهوه و خێوهت ههڵدان لە پارێزگاکە بۆ 5 رۆژ راگەیاند.
پارێزگای شرنەخ لە راگەیێندراوێکدا دەڵێت، "لەپێناو یەکڕیزیی گەل، یەکپارچەیی وڵات، پاراستنی ئاسایشی نیشتمان، رێگریکردن لە تاوان، پاراستنی تەندروستیی گشتی و رێگریکردن لە تووندوتیژی، بە پشتبەستن بە بڕگەکانی ئەلیف و جیم لە 11یەمین مادەی یاسای ژمارە 5442ی بەڕێوەبردنی شارەکان و 17یەمین مادەی یاسای ژمارە 2911ی چالاکییەکان، کۆمەڵێک رێوشوێن گیراونەتەبەر."
لە راگەیێندراوەکەدا باس لەوە کراوە، لە کاژێر 00:00ی رۆژی 27 تاوەکو کاژێر 23:59ی رۆژی 31ی تەممووزی 2024 بەدەر لەو چالاکییانەی لەلایەن پارێزگا و قایمقامییەتەکانەوە مۆڵەتیان پێدەدرێت، قەدەخەی هەموو جۆرە گردبوونەوە و چالاکییەک قەدەخەیە.
پار 11 جار بڕیاری قەدەخەی ناوچەی ئەمنی تایبەت و 14 جار قهدهخەی خۆپیشاندان و چالاکی له شرنەخی باکووری کوردستان راگەیێندرا.
