رووداو دیجیتاڵ
بەڕێوەبەری بەڕێوەبەرایەتیی ئاوی مهاباد لە رۆژهەڵاتی کوردستان دەڵێت، ئاستی ئاوی بەنداوی مهاباد بەراورد بە پار 4.3 ملیۆن مەتر سێجا بەرزبووەتەوە.
رۆژی چوارشەممە 13ی تشرینی دووەم، خالید رەحمانی، بەڕێوەبەری بەڕێوەبەرایەتیی ئاوی مهاباد رایگەیاند، قەبارەی ئاو لە بەنداوی مهاباد 61.2 ملیۆن مەتر سێجایە کە بەراورد بە هەمان ماوەی ساڵی رابردوو، 4.3 ملیۆن مەتر سێجا زیادی کردووە.
خالید رەحمانی گوتی، ئێستا ئاستی ئاوی بەنداوی مهاباد گەیشتووەتە هەزار و 342 مەتر کە یەک مەتر زیاترە لە ساڵی رابردوو.
بەنداوی مهاباد لە پارێزگای ورمێیە لە رۆژهەڵاتی کوردستان و لە ساڵی 1970 دروستکراوە.
