رووداو دیجیتاڵ
حکومەتی ئەڵمانیا چەند کەسێکی دیپۆرتی عێراق کردەوە، کە ژمارەیەکیان کوردن. لەنێویاندا کەسێکی خاوەن پێداویستی تایبەت هەیە.
رەنج پشدەری، چالاکڤانی مافی مرۆڤ لە ئەورووپا ئەمڕۆ (پێنجشەممە، 19-12-2024)، بە تۆڕی میدیایی رووداوی گوت: "دیپۆرتکردنەوەکە ئەمڕۆ بووە و لە فڕۆکەخانەی دۆسڵدۆرفەوە رەوانەی فڕۆکەخانەی بەغدا کراون".
ئەو چالاکڤانە دەڵێت: "لەنێو ئەوانەی دەنێردرێنەوە ژمارەیەک کورد هەن؛ یەکێکیان ناوی گۆران حوسێنە و خاوەن پێداویستیی تایبەتە".
دیپۆرتکردنەوەی گۆران حوسێن لە تۆڕە کۆمەڵایەتییەکاندا نیگەرانیی هاونیشتمانییانی دیاسپۆرای لێکەوتووەتەوە و هاوسۆزییەکی گشتیی بۆ دروستبووە.
رەنج پشدەری گوتی، ساڵی رابردوو سەردانی گۆران حوسێنی کردووە و ئەوکات گوتوویەتی، بڕیاری دیپۆرتکردنەوەی دراوە.
گۆران حوسێن لە بەرلینی پایتەختی ئەڵمانیا دەژیا و خەڵکی شاری سلێمانییە. بڕیارە دوای گەیشتنی بۆ بەغدا بگەڕێتەوە هەرێمی کوردستان.
ئەوانەی دیپۆرتکراوەنەتەوە مافی مانەوەیان لەلایەن ئەو وڵاتەوە پێنەدراوە و پێشتر داوای پەنابەریێتییان رەتکراوەتەوە.
.png&w=3840&q=75)
.png&w=3840&q=75)