رووداو دیجیتاڵ
ژنێک لە شاری مهابادی رۆژهەڵاتی کوردستان ئاگری لە جەستەی بەردا و بەو هۆیەوە گیانی لەدەستدا.
ئەمڕۆ سێشەممە، 7ـی کانوونی دووەمی 2025، هاونیشتمانییەک لە شاری مهاباد بە رووداوی راگەیاند، ژنێک لە گۆڕستانی شارەکە بەنزینی بە جەستەی خۆیدا کردووە و بەو هۆیەوە گیانی لەدەستداوە.
هاونیشتمانییەکە گوتی: "بەهۆی ئەوەی ژنەکە بە تەواوی جەستەی سووتاوە، ناناسرێتەوە؛ بۆیە ناسنامەکەی دیار نییە".
ئەو هاونیشتمانییە ئاماژەی بەوەشکرد: "جەستەی ژنەکە بە شێوەیەک سووتابوو، ببووە خەڵووز. ئەو بەشەی لە جەستەی کە مابوو لە لایەن تیمەکانی فریاگوزارییەوە بۆ دادپزیشکی مهاباد گوێزرایەوە".
هێزە ئەمنییەکان دەستیان بە لێکۆڵینەوە لەبارەی رووداوەکە کردووە.
