رووداو دیجیتاڵ
سهرۆكايهتيى ههرێمى كوردستان سەرکۆنەی هێرشەکەی دوێنێ بۆ سەر هاووڵاتییە مەسیحییەکان لە دهۆک دەکات و دەڵێت، "لەگەڵ لایەنە پەیوەندیدارەکان لە نزیکەوە بەدواداچوون بۆ هێرشە تاوانکارییەکە دەکەین."
رۆژی سێشەممە، یەکی نیسانی 2025، لە ئاهەنگی یادکردنەوەی جەژنی ئەکیتۆ، یان سەری ساڵی بابلی- ئاشوورییەکان لە دهۆک، کەسێک بە چەقۆ هێرشی کردە سەر ژنێک و گەنجێک و هەردووکیانی بریندار کرد.
سەرۆکایەتیی هەرێمی کوردستان ئەمڕۆ چوارشەممە، لە راگەیێندراوێکدا لەبارەی رووداوەکە رایگەیاند، لەگەڵ لایەنە پەیوەندیدارەکان لە نزیکەوە بهدواداچوون بۆ ئهو "هێرشه تاوانكارييه دهكات كه دوێنێ له رووداوێكى نامۆدا له دهۆك، كۆمهڵێك له جهژنگێڕانى ئهكيتۆ له هاووڵاتييانى مهسيحيمان تيايدا به ئامانج گيران و بووه هۆى برينداربوونى دوو كهس."
لە راگەیێندراوەکەدا هاتووە، "بە تووندی سەرکۆنەی هێرشە تاوانکارییەکە دەکەین و ههموو كوردستانييان دڵنيا دهكهينهوه كه ههرێمى كوردستان وهك ههميشه به نیشتمانی پێكهوهژيان و ئارامى و سهقامگيرى بۆ ههموو پێكهاتهكانى دهمێنێتهوه و به هیچ شێوهيهك رێگه به تێكدانى كولتوورى پێكهوهژيان و يهكترقبووڵكردن و لێبوردهيى نادرێت، تاوانكاريش به سزاى ياساييى خۆى دهگات."
