رووداو دیجیتاڵ
عەمید مستەفا نەوزاد وەک بەڕێوەبەری نوێی پۆلیسی شاری کەرکووک دەستبەکاربوو، ئەوەش دوای خانەنشینبوونی بەڕێوەبەری پێشوو لە پۆستەکەیدا.
عەقید عامر نووری، گوتەبێژی پۆلیسی پارێزگای کەرکووک، ئەمڕۆ شەممە 26-07-2025 بە تۆڕی میدیایی رووداوی راگەیاند، "دوای خانەنشینبوونی عەمید تەها، بەڕێوەبەری پێشووی پۆلیسی نێو شاری کەرکووک، عەمید مستەفا نەوزاد لە شوێنەکەی دەستبەکاربوو."
گوتەبێژی پۆلیسی کەرکووک ئاماژەی بەوەش کرد، بەڕێوەبەری پێشوو و بەڕێوەبەری نوێ، هەردووکیان لە نەتەوەی تورکمانن.
