رووداو دیجیتاڵ
وەزارەتی خوێندنی باڵا دەڵێ، 17 زانکۆی تایبەت لە هەرێمی کوردستان مۆڵەتی فەرمییان هەیە و خوێندکاران دەتوانن لەوێ درێژە بە خوێندن بدەن.
رۆژی شەممە، 27ی ئەیلوولی 2025، وەزارەتی خوێندنی باڵا و توێژینەوەی زانستی، لیستی ناوی زانکۆ تایبەتەکانی هەرێمی کوردستانی بڵاوکردەوە و رایگەیاند: "بۆ ساڵی خوێندنی 2025-2026، خوێندکاران دەتوانن لەو زانکۆیانە درێژە بە خوێندن بدەن کە مۆڵەتی فەرمیی وەزارەتەکەمانیان هەیە".
لە راگەیێندراوەکەدا هاتووە: "بەپێی یاسای ژمارە (2)ی ساڵی 2013ی زانکۆ تایبەتەکان لە هەرێمی کوردستان، ئێستا وەزارەت تەنیا مۆڵەتی بە 17 زانکۆ و کۆلێژی تایبەت داوە بۆ ئەوەی بۆ ساڵی نوێی خوێندن قوتابی و خوێندکار وەربگرن".
بەپێی وەزارەتی خوێندنی باڵا و توێژینەوەی زانستی، زانکۆکان ئەمانەن:
زانکۆ تایبەتەکانی پارێزگای هەولێر
- زانکۆی جیهان
- زانکۆی لوبنانی-فەرەنسی
- زانکۆی نێودەوڵەتیی تیشک
- زانکۆی نۆڵیج
- زانکۆی بەیان
-زانکۆی هەولێری نێودەوڵەتی
- زانکۆی کاسۆلیک
- کۆلێژی قەڵای زانکۆیی بۆ دیراساتی ئایینی
زانکۆ تایبەتەکانی پارێزگای سلێمانی
- زانکۆی ئەمریکی لە عێراق - سلێمانی
- زانکۆی گەشەپێدانی مرۆیی
- زانکۆی کۆمار بۆ زانست و تەکنەلۆژیا
- زانکۆی جیهان - سلێمانی
- زانکۆی نێودەوڵەتیی تیشک - لقی سلێمانی
- زانکۆی قەیوانی نێودەوڵەتی
- کۆلێژی کۆیەی زانکۆیی بۆ دیراساتی ئایینی
زانکۆ تایبەتەکانی پارێزگای دهۆک
- زانکۆی نەورۆز
- زانکۆی جیهان - دهۆک
